ṬHAZUAL FAKNA No.1-ah Hmingtea Chhangte 'Hun duhawm'
Ṭhazual Fakna chart-ah Hmingtea Chhangte 'Hun duhawm' chu pakhatna a ni a, Pensy 'Ka tan Krawsah ngei chuan' chu pahnihna niin Bethsy Lalrinsangi 'Isua nen chuan' chu pahnihna a ni thung.
Hmingtea 'Hun duhawm'
Hmingtea Chhangte 'Hun duhawm' hi kumin chhunga Hmingtea music video hmasa ber a ni a, music video pangngai a tihchhuah hma hian Mizo Dance Camp nen studio version an tichhuak hmasa a, mi nuai dawnin YouTube lama an thlir hnuah, March thla khan tlem her danglam hretin official music video a tichhuak a ni.
'Hun duhawm' hi Ṭhazual chart-ah hian a mikhual tawh lo hle a, chart hmasaah khan pahnihna niin tun ṭumah hian pakhatna a ni ta a ni.
Pensy leh Bethsy
Pensy hla thar 'Ka tan Krawsah ngei chuan' chu palina aṭangin pahnihnaah a rawn invawrh a, ṭum hnih ngawt a zawna pakhatna ni thei Bethsy Lalrinsangi 'Isua nen chuan' chu pathumnaah a awm ve ta thung a ni.
Btea To 5-ah
Chart hmasaa pathumna Seraphic Choir 'Hnehna Lallukhum' chu palina a ni ve thung a, Lalbiaktluanga (Btea) 'Fak tlak I ni' pasarihna aṭangin panganaah a rawn inhlangkai ve bawk a, ani hian Top 5 a rawn khar a ni. Tunṭum Ṭhazual chart-a lang hi an ṭha rual hle a, Top 10-ah hian One In Christ,Mapuii, Maruati & Rla, Dr Zova leh Sanga Renthleite pawh an lang.
ṬHAZUAL FAKNA Top 10
1 Hmingtea Chhangte - Hun duhawm
2 Pensy - Ka tan Krawsah ngei chuan
3 Bethsy Lalrinsangi - Isua nen chuan
4 Seraphic Choir - Hnehna Lallukhum
5 Lalbiaktluanga (Btea) - Fak tlak I ni
6 One In Christ - Hriselna
7 Mapuii - Zirtirtu ṭha
8 Maruati & Rla - A hnai reng Isua
9 Dr. Zova - Ka puang zel dawn
10 Sanga Renthlei - Lal Isua duhawm ber