Praise On 3rd Round-ah One in Christ an zai dawn

Praise On 2017 chu zaninah chhunzawm leh a ni dawn a, top 20-a tlingten inelna an hmachhawn ang. 3rd Round intihsiak hi zanin leh nakzanah neih tur a ni a, intihsiak kar lakah One in Christ-te an zai dawn a, anni bakah hian Vohbîk leh Praise On 2016 Top 10-te an zai bawk ang.

Praise On 2017 - Group zai intihsiakah hian hming pe lut 70 vel an awm a, thlitfim chhoh mek zel an ni. 2nd round intihsiak chu October 12 & 13 zan khan neih a lo ni tawh a ni. 3rd round-ah hian keyboard leh ṭingṭang bakah, sound track hman phal a ni tawh dawn a, mahni duh ber hla sak tur a ni ang. Top 20 aṭang hian Top 10 thlan chhuah leh a ni ang.

Intihsiak hi zan dar 7:30-ah ṭan tur a ni a, zai turte chu dar 7:00 aia tlai lovah Khatla Biak In (Reception Counter)-ah in report tur a ni. A hmunah mi tam zawkin an en theih nan Biak In tualah Projector (Big screen) hmanga en theih tura ruahman a ni.

Zanina inlan turte
1. Dawrpui Vengthar Branch
2. Chaltlang Branch
3. Kawrthah Branch
4. Khatla Branch
5. Ramhlun North Branch
6. Electric Veng Branch
7. Chhinga Veng East Branch
8. Kanan Branch
9. Saron Veng Branch
10. Tlangnuam West Branch
Nakzana inlan turte
1. Dawrpui Branch
2. Chanmari Branch
3. Muallungthu Branch
4. Tuikual North Branch
5. Chawnpui Branch
6. Armed Veng Branch
7. Govt. Complex Branch
8. Bungkawn Branch
9. Leitan Branch
10. Dam Veng Branch