CMA Awards 2017 ; 'Entertainer of the Year' award Ṭum ruk dawng thei Garth Brooks

November 8, Nilaini khan Country Music Association (CMA) Awards sem a ni a, Garth Brooks chuan a ṭum rukna atan 'Entertainer of the Year' award a dawng leh ta. CMA Awards 2017 hi Bridgestone Arena, Nashville-ah sem a ni.

51st annual CMA Awards-ah hian American singer-songwriter Garth Brooks hi a langsar ber tih ngam a ni a, mipui lawm pawh a hlawh hle. 'Entertainer of the Year' award dawng thei tura chhawpchhuah zingah hian Luke Bryan, Eric Church, Chris Stapleton leh Keith Urban te an lang a, hei hian a award dawn hi a namai lo hle tih a tichiang. Award hi he chawimawina lo dawng tawh Reba McEntire chuan a hlan.

Brooks chuan, "Ṭum ruk zet mai 'Entertainer of the Year' award ka dawng ta a, a ropui takzet a ni. Tun ang hun hi ka tawng ang tih ka inring pha ngai lo a, mumang ang mai a ni. Ka hlawhtlinna hi ka fan-te vang liau liau a ni a, an chungah lawmthu ka sawi a ni" a ti.

CMA Awards hi Eric Church chuan 'Amazing Grace' tih hla hmangin a khuhhawng a, Darius Rucker, Keith Urban, Lady Antebellum te nen an inlan ho. Brad Paisley leh Kane Brown-te an perform dun a, thiam takin 'Heaven South' tih hla an sa.

Show-ah hian milar inlan an ṭhahnem hle a, Alan Jackson, Luke Bryan, Little Big Town, Reba McEntire, Kelsea Ballerini, Brad Paisley leh Kane Brown te chu perform zingah an tel. Pink pawh stage-a lawn pha zingah a tel a, Irish singer Niall Horan leh Maren Morris an zai dun a, Faith Hill leh Tim McGraw-te chu 51st annual CMA Awards-ah hian an perform bawk. Anni bakah hian midang eng emaw zat an inlan bawk.

Taylor Swift, Keith Urban, Chris Stapleton leh Glen Campbell te chu award dawng zingah an tel a, tunlaia chanchin ngah tak Taylor Swift chuan lawm a hlawh a, boruak siamtu ber pakhat a ni.

Entertainer of the Year : Garth Brooks
Male Vocalist of the Year : Chris Stapleton
Female Vocalist of the Year : Miranda Lambert
New Artist of the Year : Jon Pardi
Music Video of the Year : Brothers Osborne - "It Ain't My Fault"
Vocal Duo of the Year : Brothers Osborne
Single of the Year : Keith Urban - "Blue Ain't Your Color"
Album of the Year : Chris Stapleton - "From a Room: Volume 1"
Song of the Year : Little Big Town - "Better Man"
Vocal Group of the Year : Little Big Town
Musical Event of the Year : Glen Campbell Ft. Willie Nelson
- "Funny How Time Slips Away"
Musician of the Year : Mac McAnally
Song of the Year : Taylor Swift - "Better Man”