Kanye West a dam tawh

Kanye West chu hun eng emaw chen mipui hmaa a inlan tawh loh hnuah, tun hnai khan Chicago-ah a perform a, lawm a hlawh hle.

Kanye West hi nikum kum tawp lam khan Hospital-ah a lut a, hun rei tak mipui hmaah a inlan tawh lo. Tunah chuan a dam tawh a, a hmel kan hmu chho leh thei tawhin a rinawm. Stage-a a perform chhung zawngin hlim hmel a pu sang reng a, mipui hmaah a ding lo rei tawh bawk a nuam a ti ve viau a ni.

Kanye West hian November 2016 khan 'Saint Pablo' tour a neih laiin a taksa lamah harsatna a tawk a, a show neih tur ṭhenkhat pawh a cancel zui bawk. Mahse hemi ṭum hian show-a nei tho a, Beyonce Knowles leh a pasal Jay-Z bakah, Hillary Clinton te pawh an inlan. Concert a neih zawh tukah hian hospital-ah dahluh zui a ni a, ni eng emaw zat hnuah a chuak thei chauh a ni.