Billboard 'Woman of the Year' Selena Gomez

Billboard chuan November 30 hian Music Award a sem dawn a, he hunah hian Selena Gomez chu 'Woman of the Year' award hlan a ni ang.

Selena Gomez hi Billboard 2017 'Woman of the Year' atan thlan a nih thu hi October 30 khan puan a ni a, Los Angeles-a award sem hunah chawimawina hi hlan a ni ang. Hollywood Reporter-Billboard Media Group president John Amato chuan, "Selena hian hmeichhia, kum lama naupang zawkte tan nasa takin hma a la a, hlau lo leh huaisen taka an aw an chhuah ve theihna turin an rilruah huaisenna a tuhsak a ni. A hma lakna hian khawvel a deng chhuak a, hei vang hian chawimawi hi a phu a ni" tiin, award an hlan tur chhan a sawi.

John Amato chuan sawi zawmin, "Ani hian a rilrua awmte huaisen takin a sawi chhuak ṭhin a, hei hian midangte tan chona thar a pe a ni. A bik takin kum lama naupang zawkte rilruah huaisenna a pe a ni" a ti.

Billboard chuan Lady GaGa, Taylor Swift, Katy Perry leh Beyonce Knowles te hnenah 'Woman of the Year' award hi a lo hlan tawh a, nikum khan Madonna hnenah hlan a ni bawk.