Korean band BTS leh UNICEF thawkho dawn

Korean boy band BTS leh United Nations Children's Fund (UNI­CEF) chuan anti-violence campaign atan thawkho turin thuthlung an ziak.

Thawhhona thuthlung hi kum hnih atan ziah a ni a, project lian tak an kalpui dawn a ni. A awmzia takah chuan UNICEF-in anti-violence campaign project an duanah BTS hi inremna an ziahpui a, kum lama naupang zawkten nun hlim tak an neih theih nan leh, tharum thawhna laka an him theihna turin hma an la dawn a ni.

Campaign nan hian BTS hian an album hit 'Love Yourself' an hralhna aṭangin 3% an donate dawn a ni. BTS mini album 'Love Yourself' hi a hit rem rem hle a, Billboard 200 chart leh World Albums chart-ah a zawnin kar ruk chhung dinhmun sang an luah thei. An sum lak luh pawh a turu hle a, US-ah ringawt kar khat chhungin £mtd 5.3 zet an hui lut thei a ni.

Member pasarih awm­na South Korean boy band hi an lar vanglai a ni a, UNICEF nena an thawk­ho tur pawh hian ngaihven a hlawh hle a ni.