'ZEUH KEUH' zaninah tlangzarh dawn

Mizo film chhuak thar a awm leh dawn ta - zanin hian Vaivakawn Auditorium-ah 'Zeuh Keuh' tlangzarh a ni dawn e. He film-ah hian zaithiam Alex Lalchhuankima leh Joseph Zaihmingthanga bakah, midang hriat hlawh tak tak an chang nual - en manhla tur tak a ni.

A script hi Muantea Khiangte ziah a ni a, director hi Lalsangzuala a ni thung. Shooting hi Hualtu khuaah neih a ni a, hun eng emaw chen an han inkulh a ni. Video hi Zonunkima(OBG) kutchhuak a ni a, a ni hi tawnhriat nei hnem tawh a ni a, belhchian a dawl hle tura ngaih a ni.

Joseph Zaihmingthang, Alex Lalchhuankima, Jt. Production, C. Lalremsiami, Lalmawizuali Sailo, PC Lalmuansangi te chu a changtu langzar an ni a, Hualtu khaw mipui ten an ṭawiawm ṭha hle bawk. He film OST pawh hi an lo tichhuak tawh a, YouTube lamah en a hlawh hle nghe nghe.

Tlangzarh zan hian a duh apiangin a hmunah an en theih nan ticket siam a ni a, Rs. 200/- man a ni - Runmawi App lamah man chawia en theihin a awm dawn bawk.