Jin-an MV thar "The Astronaut" tichhuak

29th October, 2022

BTS member zinga upa ber, Jin chuan nimin khan single thar 'The Astronaut' music video a tichhuak ta.

He video-ah hian Coldplay vocalist Chris Martin pawh a inlan a ni. Jin chuan an ram sipaia a ṭan hma leh fans-te a thlahna ni pahfawmin ARMY-te chu khawvel pawn a fanpui a ni.

Jin hian Argentina-a Coldplay concert-ah a single thar hi a perform nghal a ni. Kum 2021 khan BTS leh Coldplay-te hian MV 'My Universe' tih hla an lo tichhuak tawh a, an thawhhona ṭha tak chu an chhawm nung zel niin a lang.

BTS thawm hi a la reh lawk dawn lo a, MAMA 2022-ah nomination 19 an hmuh bakah Grammys 2023-ah hla pali an thehlut bawk a, heng zingah hian 'Yet To Come' leh Jungkook-an Charlie Puth a thawhpuina hla 'Left And Right' pawh a tel.