People's Choice Awards nomination puan a ni ta

Mipuiin entertainment khawvela an ngaihsan zawngte online hmanga an thlan theihna, People's Choice Awards 2022 nomination chu puan a ni ta.

People's Choice Awards hi kum 1975 aṭanga neih ṭan niin, kum 2005 aṭang khan online kaltlanga vote theih tura siam a ni.

People Choice ah hian TV, movies, music leh pop aṭangte in categories 40 velah Award semchhuah a ni ang.

Film lamah Brad Pitt, Jennifer Lopez, Dwayne Johnson leh Viola Davis te an lansarh viau laiin TV show lamah Selena Gomez, Sterling K. Brown, Ellen Pompeo leh Quinta Brunson te an langsar ve thung.

Music huangchhungah kum ṭha hmangtu Bad Bunny, Harry Styles, Beyoncé, Taylor Swift, BTS leh Blackpink te chu nomination hmu tam zual an ni a, music bikah Bad Bunny chuan Nomination hmu hnem berin, category pasarihah a hming a lang. Social media sensation aṭangin Addison Rae leh Charli D'Amelio te buk a rit viau.

Kumin Peoples Choice Awards hi December 6-ah neih a ni dawn a, Saturday Night Live star Kenan Thompson chuan a host ang.