JB-a leh Selna te chanchin a la tawp lo

Milar tih takah an chanchinin sawi zui a hlawh a, tunah pawh khawthlang media-te chawitu ber pakhat a la ni. Justin Bieber leh a bialnu hlui Selena Gomez te chu an ni leh tawh an ti a, tunah chuan offical-in an ni leh tak tak tawh tih an puang leh tawh!

Selena chuan tun hnai khan Justin-a'n hockey a khel lai chu, a hming chuanna jersey hain a lo thlir a ni. Hei hian sawizui a hlawh leh nghal a, an in date leh tak tak tawh an ti. 'An chhuak dun hmuh tur an awm leh fo tawh a, an hlim dun viau leh nghal. Biak In pana an inzui pawh hmuh tur a awm fo a, pastor pakhat Carl Lentz hnen aṭangin thurawn an la fo a, Carl hian hlim taka an inkawp leh theihna turin thurawn a pe ṭhin a ni' tiin an tarlang mauh mai.

JB-a pawh tunah chuan mi hrang daih a ni tawh a, a hmaa a nunchang ang kha a pu tawh lo an ti. A hmangaih hmasa tan hian a inpumpek viau a ni awm a, a tih ṭhin te pawh tih a rem tawh dawn lo a ni mahna. JB-a nu chuan tun hnai khan twitter lamah thu a post a, hei hi a fapa te pahnih inkar a sawina niah an ngai leh zel bawk.

Selena Gomez leh a kawppui The Weeknd-te chu thla 10 vel chauh an inzui hnuah tun hnai khan an inṭhen niin an sawi a, hei hian JB leh Selena-i te inkar pawh hi a nemnghetah mi tam tak chuan an ngai. Canadian singer The Weeknd nen hian kumin kum tir lam aṭng khan an inzui ṭan chauh a, mahse tunah chuan ṭangdang bel turin an inthlah leh tawh. An inkar a ṭhat loh avang leh, JB-a a rawn lan bawk si avangin an in-ṭhen pawh hian mak tih a hlawh lutuk lem lo. The Weeknd hi American model chhe lo Bella Hadid a hmain an lo inkawp tawh a ni.