The Beatles-in Krismas pualin booklet tichhuak dawn

British rock band The Beatles chuan Krisman lo thleng tur pualin, khawvel hmun hrang hranga an fan-te tan booklet an tichhuak dawn.

Booklet hi December 15-ah tichhuah an tum a, "Happy Christmas Beatle People" tih a ni dawn a, phek 16-a chhah a ni ang. Band member Paul McCartney chuan, "Khawvel hmun hrang hranga kan band ngaisangtuten Krismas hlim taka an hman theih kan duhsak a, duhsakna inhlan tawn hi kan duh a ni" tiin, booklet an buatsaih chhan a sawi.

The Beatles hian Krismas pualin "The Beatles Christmas Record" an lo tichhuak tawh a, "Good King Wenceslas" leh "Rudolph the Red-Nosed Ringo" tihte pawh an lo tichhuak tawh a ni. "The Beatles Christmas Record" phei hi chu vawi eng emaw zat tihchhuah a ni tawh. An band fan club pawhin "Another Beatles Christmas Record" tihte an lo tichhuak ve tawh bawk a ni.