'Reputation' a hit dawn!

American singer Taylor Swift chuan No­vember 10 hian a album thar 'Reputation' chu a tlangzarh dawn a, a hit dawn rem rem hle niin a lang.

'Reputation' album hi chan loh a hlauhawm lam a ni lo a, mahse nei hmasa nih an in­chuh a ni. Release hma hauhih booking 400,000 chuang a awm tawh a, a la pun belh zel dawn ni pawhin a lang. Swift-i album thar tur hian album tihchhuah tur zinga order lawk tam lamah pakhatna rawn luah phak hial an ring; tuna book hi kar kalta Zirtawp ni thlenga an chinchiah a ni a, tunah pawh a bun belh leh ṭeuh tawhin a rinawm. Swift album tihchhuah hnuhnun ber '1989' pawh khan ngaihven a lo hlawh tawh viau bawk.

'Reputation' hian iTunes, Target, Walmart leh Amazon lamahte chuan album tihchhuah hmaa hralh kal ber record a siam der tawh. Swift hian 1989 bakah hian kum 2012 khan Red a lo tichuak tawh; Speak Now chu 2010 khan a tichhuak bawk. A album te hi hralh a tla hlawm viau a, kar khat chhungin copy maktaduai chuang vek hralh chhuah a ni.