Billboard 200 Chart-ah Pentatonix an lang

Krismas a hnai leh ta a, Billboard 200 album chart lamah pawh Pentatonix an rawn lang ṭan e.

Billboard chart-ah hian Pentatonix hi 35-na an ni a, hma an rawn sawn chho zel dawn niin a lang. An ulbum 'A Pentatonix Christmas' hian kum dangah pawh chart-ah dinhmun sang ber a lo luah tawh ṭhin a, kuminah pawh a thleng sang leh a nih pawhin a mak lo ang.

Chart-a pakhatna luahtu erawh Irish singer Niall Horan a ni a, dinhmun sang ber a luah ṭum khatna a ni. Future leh Young Thug-te'n pahnihna an luah a, 'Super Slimey' a hit zui zel. Hetih lai hian 'Beautiful Trauma' hmanga hun eng emaw chen pakhatna lo luah tawh Pink chu pathumnaah a tlathla ve thung a, a vanglai a liam ṭan. Post Malone chuan 'Stoney' a la larpui reng a, chart-ah pawh kan la hmuzui zel a nih pawhin a mak lo ang.

Top 10-ah hian hun eng emaw chen pakhatna lo luah tawh Ed Sheeran pawh a lang leh a, a nih pawh a hming a lang zing ta malh malh hle. Demi Lovato chuan a sang 10 zingah a lang ve bawk.

1 Niall Horan Flicker
2 Future & Young Thug Super Slimey
3 Pink Beautiful Trauma
4 Post Malone Stoney
5 Chris Young Losing Sleep
6 Gucci Mane Mr. Davis
7 Ed Sheeran Divide
8 Darius Rucker When Was The Last Time
9 Lil Uzi Vert Luv Is Rage 2
10 Demi Lovato Tell Me You Love Me