Khiangte Construction Ṭhazual Gospel ; A chung berah Maruati 'Ka pel ang'

Khiangte Construction Ṭhazual Gospel chart-ah Maruati'n ama hlaphuah 'Ka pel ang' tih hmangin chart chung ber a luah. Sawmtea Chhangte 'Nazareth tlangval' chu pahnihnaah awmin, R. Lalrinmawii (Arini) 'Mala awm loh hmunah' chuan top 3 a khar.

Fak phu Maruati
Kum ṭha hmangtu Maruati hian Ṭhazual Award 2022-ah category pathum, Best Female Artist Gospel, Best Songwriter Gospel, Best Group/Duo Gospel-ah te nomination a hmu. Maruati hi a zaithiam piah lamah hla a phuah thiam tel a, a hlathuah a cheng ṭhin zia leh, nung taka Pathian hla sa ṭhin a nihna hian mite thinlungah thu a sawia, a hlaphuah 'Ka pel ang' tih hmanga chart chung ber a luah pawh hi a mak lo. Recording hi HC recording-ah tiin, music hi Andrew Vanchhawng kutchhuak a ni.

Pahnihna leh pathumna
Chart hmasa lama parukna Sawmtea Chhangte hla thar ber, 'Nazareth tlangval' chu pahnihnaah a rawn inhlangkai a, Praise On 2016-a pakhatna Arini hla mawi tak 'Mala awm loh hmunah' chu pathumnaah a awm.

Chart a hla lang dangte
Zomuani Pachuau 'Malsawmhlu vangin' chu palinaah awmin, Sangtei Hmar 'Ka ta a ni' chu top 5-ah khar tu a ni. Gracy VL Pachuau, Lalremsiami, Mahruaii Chhakchhuak, VL Remruati Hmar, Cindy Lalthanpuii-te chu top 10-a lang te an ni.