Brady leh Gisele-te'n an inṭhen hmain 'family stabilization' course an kal

NFL star, Tom Brady leh Brazilian supermodel, Gisele Bundchen inṭhen dan kimchang chu tarlan a ni ta. Court document aṭanga a lan danin, an nupa hian inṭhenna lehkha an tihfel hmain "family stabilization" course an kal hmasa tih a tarlang.

Brady hian October 25 khan darkar li awh course hi kalin, Gisele hian October 26 khan a zo fel thung. Certificate tarlan angin, nupa inṭhen turte hian heng course-te hi an kal zawh ngei a ngai a ni, a ti. Florida dan siam angin, inṭhenna diltu nupa te hian an inṭhen fel hmain anmahni leh an fate chunga chhungkaw kehdarhin a nghawng theih hrang hrangte hrilhfiah leh zirtirna pek ṭhin an ni.

Tom leh Gisele-te hian fa pahnih, kum 12 mi Benjamin leh kum 9 mi Vivian an nei. Tampa Bay Buccaneers quarterback hian Bridget Moynahan nen fa hmasa, kum 15 mi Jack an lo nei tawh. Tom leh Gisele-te hi kum 13 chhung zet an inneih hnuah, October 28 khan Gisele chuan an inṭhenna lehkha a thehlut a ni.