Billboard Lalnu - Taylor Swift

Taylor Swift chuan Billboard Hot 100 songs chart-ah top 10 chu hauh fai vekin, artist zingah hetiang dinhmun thleng thei hmasa ber a ni. Hot 100, top 15 zinga Swift-i hla 13-te hi 'Midnights' album a mi vek an ni. Kum 2021, September thlaa Hot 100 top 10-a hla pakua lanpuitu Drake record chelh lai chu a rawn khum. Hei mai a ni lo, Billboard 200 albums chart-ah pawh kum sarih liam ta chhunga kar khata album hralh tla ber niin, US bikah equivalent album units mtd 1.578 chuang a hralh der tawh.

Record thar
Billboard 200-a no.1 album lang thei 11 a neihna a ni a, Barbara Streisand, Bruce Springsteen leh Drake te a nih rual. Anni pathum aia no.1 album nei tam chu The Beatles (19) leh Jay-Z (14) chiah an ni. Rin lawk ang ngeiin Barbara record chelh lai pawh a nihrual a, an pahnih hi hmeichhe artist zinga No. 1 album nei hnem ber an ni bawk.

Swift hian Drake leh The Beatles-te khumin, kum 2021 leh 1964 khan kar khat chhung an hla te chu top 5 an lo hauh tawh a, Swift erawhin a hla 10-te a lanpui vek.

Hot 100 no.1-a a hla pangana
Swift hian “Anti-Hero” hmangin chart ro a rel a, a hmain “Shake It Off,” “Cardigan,” “Willow” leh “All Too Well (Taylor’s Version)-te chu a lo lanpui tawh. Heti hian, Ariana Grande nen hmeichhe zinga No.1 nei hnem ber an ni mek.

Europe khawmual hrut chhuak in
'Midnights' hian US bakah, UK, Australia, Canada, France, Germany, Italy, Belgium, Ireland, Finland, Netherlands, New Zealand, Norway leh Sweden-ah kar liam ta chhunga album hralh tla ber a ni. Chart dangah pawh, Midnights hian kar khat ral hmain global album streams tluklehdingawn chuang a nei a. Kar khat chhunga global Spotify stream zin ber a ni bawk.

Stream / Airplay Audience / Sales:
1. Anti-Hero : 59.7 million streams / 32 million in airplay audience / 13,500 sold
2. Lavender Haze : 41.4 million / 2.4 million / 2,800
3. Maroon : 37.6 million / 471,000 / 2,900
4. Snow on the Beach feat. Lana Del Rey : 37.2 million / 615,000 / 2,600
5. Midnight Rain : 36.9 million / 449,000 / 2,200
6. Bejeweled : 35.5 million / 1.6 million / 16,100
7. Question…? : 31 million / 425,000 / 21,400
8. You’re on Your Own, Kid : 34.1 million / 498,000 / 1,500
9. Karma : 33 million / 1.9 million / 3,400
10. Vigilante Shit : 32.2 million / 424,000 / 6,400

Billboard Hot 100 top 10 nei ngahte :
Swift hian Hot 100-a top 10 dinhmun a hauh fai vek hnuah, Drake(hla 59) chauh a phak tawh lo. Swift hian Madonna khumin hmeichhe artist zinga top 10-a hla lanpui hnem ber a ni.

Billboard Hot 100 Top 10 nei hnem te:
1. Drake - 59
2. Taylor Swift - 40
3. Madonna - 38
4. The Beatles - 34
5. Rihanna - 31