Billboard 200 Album Chart Kenny Chesney-a'n Kelly Clarkson record a nih rual

Kenny Chesney chuan Billboard 200 Album Chart-a pakhatna hauh thei album pariat zet a nei ta a, Kelly Clarkson-i record a nih rual.

American singer Chesney hian 'Live in No Shoes Nation' a tichhuak thar a, kar khat lek chhungin Billboard chart-ah dinhmun sang ber a rawn luah nghal a ni. Chesney hian record duhawm tak a nei a, a album tihchhuah tawh pariat zet chuan Billboard album chart-ah pakhatna an hauh thei a, Kelly Clarkson nen record inang an nei. A album thar "Live in No Shoes Nation" hi October 27 khan release a ni a, tlangzarh a nih hnu lawkah chart-ah hian pakhatna a rawn luah a ni.

Hetih lai hian Kelly Clarkson pawh a che chhe lo a, a album 'Meaning of Life' chuan pahnihna a hauh a, pathumna chu Chris Brown a ni. Chris Brown hian a album 'Heartbreak on a Full Moon' a hralhna aṭang hian sum a la lut hnem tawh hle. Album hralhna aṭanga sum hailut tam zinga kan sawi hmaih loh tur chu Ed Sheeran a ni. Ed Sheeran hian a album 'Divide' aṭangin sum a hailut tam tawh hle a, Billboard chart-ah pawh hun rei tak chhung a hming a chuang tawh a ni. Tun ṭumah pawh a sang 10 zinga a la lang cheu bawk.

1. Kenny Chesney - Live in No Shoes Nation
2. Kelly Clarkson - Meaning of Life
3. Chris Brown - Heartbreak on a Full Moon
4. 21 Savage, Offset and - Without Warning
Metro Broomin
5. Post Malone - Stoney
6. Yo Gotti - I Still Am
7. Big K.R.I.T. - 4eva Is a Mighty Long Time
8. Ed Sheeran - Divide
9. Future and Young Thug - Super Slimey
10. Lil Uzi Vert - Luv Is Rage 2