The Last Supper

Kristian zingah Lalpa Zanriah hnuhnung, "The Last Supper' hre lo kan awm awm lo e. Tun hnai khan Delhi Mizo Inkhawm hnuaia bial 13-te chuan photography competition an buatsaih a, he thlalak hian lawmman pakhatna a dawng a ni. DMI hnuaiah hian kohhran hrang pahnih an awm a, thlalaka lang zingah hian pastor leh upa te pawh an tel.

He thlalak hi Vasant Vihar Bial Inkhawm Committee-in mawhphurhna a pek ang a, Pu C. Lalhmingliana, Bial Secretary-in a ruahman a ni a, Reuben Lalmalsawma kutchhuak a ni thung. He thlalak hi Lalpa'n zanriah hnuhnung a buatsaihna rilru ang taka miten an lo dawnsawn theih nan thlalak dawnah hian tawngtaina neih thlap a ni.