Rapper Takeoff Houston-ah kaphlum

Migos member pathum zinga mi, Takeoff chu Houston-ah Thawhlehni khan kahhlum a ni. Kum 28 mi rapper, a hming tak Kirshnik Khari Ball hi chawhnu 2.30 vel khan bowling alley-a mi 40 bawr vel punkhawmnaah kah a ni a, a hmunah hian a thi nghal. Midang pahnih pawh kah hliam an ni a, damdawi-inah hruai nghal an ni tiin police thupuang-tute chuan an sawi.

Takeoff, Quavo leh Offset-te hian kum 2008 khan Polo Club an din a, kum 2011 khan an debut album 'Juug Season' chu Migos pawl hming angin an tichhuak leh a, he hming hi an pu zui ta a ni. Takeoff hian kum 2018 khan a solo album 'The Last Rocket' chu a tichhuak a, Quavo nen thla hmasa lawk khan joint album 'Only Built for Infinity Links' an tichhuak bawk a ni.