Rock And Roll pioneer Little Richard a thi

Rock And Roll pioneer Little Richard chu kum 87 mi niin Inrinni khan a thi.

Little Richard hi a hming tak chu Richard Penniman a ni a, kum eng emaw zat chu a hrisel lohna avangin harsatna a tawk tawh a, stroke leh heart attack-te neiin enkawl a ngai ve reng tawh a, a thih chhan tak erawh tarlan a la ni lo thung.

A fapa Danny Penniman chuan Inrinni khan a pa thih thu hi Rolling Stone hnenah a hrilh a ni. 

Little Richard hi piano a play thin avang leh a performance style danglam tak vang te, a inchei dan danglam tak leh a thawmhnawh hak ṭhin rawng dangdai tak avangtein hriat a hlawh hle a, Prince pawh kha influence-tu bera ngaih a ni nghe nghe.

Kum 1950 chhoah khan lar ṭangin 'Tutti Frutti', 'Lucille', leh 'Good Golly, Miss Molly' hlate avangin hriat a hlawh zual hle a, AC/DC leh The Beatles-te pawh influence-tu a ni a, kum 1986 khan Rock and Roll Hall of Fame-ah lak­luh niin;  Songwriters Hall of Fame-ah pawh lakluh a ni tawh bawk.