Led Zeppelin album hmasa ber 'artwork' lilam dawn
Rock legend Led Zeppelin album hmasa ber kum 1969-a tihchhuah 'Led Zeppelin' artwork original, album cover-a an hman chu thla leh hian lilam dawn.
'Led Zeppelin' album cover hi George Hardie design a ni a, Sam Shere thlalak lar tak, kum 1937-a Hindenburg chhiatna thleng thla a lak behchhana siam a ni a, Zeppelin rawn alh chhuahna entirna nia sawi a ni bawk.
$20,000 leh $30,000 inkar vela hralh theih an beisei a, auction house Christie-a Books and Manuscripts department specialist Peter Klarnet chuan an thil lilam tur chu a hlu hle tih sawiin, a aia thil vang dang a awm chuang lo niin a sawi.
Royal College of Art, London-a a kal laiin Hardie hian he album art hi a design a, a ṭhainpa thla la ṭhinin Led Zeppelin hnenah hnenah hian an album cover-a hmang turin thurawn a pe a ni.
A hunlai khan Zeppelin hian $75 lekin an leisak a, mahse a hnuah Pink Floyd, Black Sabbath, leh Wings-te album cover tur a design theih phah thung.
January 12, 1969 khan Led Zeppelin hian an album hmasa ber hi an tlangzarh a, vawiin thlengin mi tam tak chuan rock album ṭha ber zingah an la chhiar tel a ni.