'National Treasure' TV Series buaipui mek

Nicholas Cage channna 'National Treasure' behchhan a siam 'National Treasure' TV Series chu Disney+-a pek­chhuah turin buaipui mek a ni a, producer Jerry Bruckheimer chuan a changtu tur pawh kum lama nau­pang deuh zawk an nih dawn thu a sawi.

Film pangngaiah kha chuan historian leh cryptologist Benjamin Franklin Gates lemah Cage hi a chang a, American historical artefacts-a 'clue' a hmuh aṭangin rohlu bo tawh a zawng a ni. National Treasure film hi pahnih lai tihchhuah a lo ni tawh bawk.

Jerry Bruckheimer chuan streaming series tur an buaipui bakah hian a film pathumna tur pawh an buaipui tel tih a sawi a, National Treasure hmuhnawm ti tan chuan thu lawmawm tak a ni ngei ang.

TV Seriers tur hi chu a script tur tlangpui pawh an duang zo tawh a, film pangngai tur chungchang erawh hi chu chiang taka tarlan la ni lo mah se  screenwriter Chris Bremner chuan a changtu pangngaite rilrua dah chungin script tur ziah a nih thu a hmain a lo sawi tawh. TV Series lamah Nicolas Cage kan hmu dawn lo niin lang mah se film pangngaiah erawh kan hmu mai thei a ni.