Vawiinah ‘Black Panther: Wakanda Forever’ Soundtrack tichhuak dawn

An tihchhuah hma hauh aṭanga thawm nei lian tawh, kum 2018-a tihchhuah 'Black Panther' chhunzawmna, 'Black Panther: Wakanda Forever' soundtrack, hla 19 awmna chu vawiin hian tlangzarh a ni ang. He soundtrack-ah hian khawvela artists 40 chuangin an aw an thawh a, chung zingah chuan hming langsar tak tak Rihanna, Stormzy, Burna Boy leh Rema-te pawh an tel.

Film soundtrack single tihchhuah hmasak ber, Rihanna sak “Lift Me Up” chuan record a rawn siam nghal a, US radio chanchina most-added song, most single-day spins leh largest audience in a single day record-te a siam. Hla 19 awmna hlaah hian Bob Marley hla hit, “No Woman, No Cry” chu Tems-an a perform bawk a ni.

Black Panther: Wakanda Forever hi November 11-ah tlangzarh a ni dawn a, Ryan Coogler chuan direct-in, Kevin Feige leh Nate Moore-te chu producer an ni.