World War II behchhan series-ah Jacob Elordi

Euphoria star, Jacob Elordi chu World War II hunlaia thil thleng, Richard Flanagan-a Booker Prize-winning novel behchhana siam series 'The Narrow Road to the Deep North,'-ah a chang dawn.

Elordi hi Australian army surgeon, Dorrigo Evans lemah changin, a patea nupui Amy nena an inngaihzawn dan chanchin leh, Indopui pahnihna hunlaia Thai-Burmese camp-a tan laia hun thim leh hrehawm tak a paltlang dante tarlan a ni ang.

"Jacob Elordi-an kan project min zawm thei hi kan lawm hle a ni. Dorrigo Evans lema chang tur hian mize hrang hranga thiam taka chang thei mi chakṭha, ngilnei leh ngainatawm taka chang thei a ni. Novel-a tak ang mai lanchhuahtir thei turin kan phur tawh takzet." tiin Curio Pictures managing director Jo Porter chuan a sawi.

Elordi hi Elvis Presley nupui, Priscilla Presley chanchin behchhan a film siamah Elvis angin a chang dawn bawk a, he Biopic hi Toronto-ah buaipui mek a ni.