Fortnite kheltu an pung chak

Tunlaia online video game lar ber pawl Fortnite chu kheltu an pung chak hle a, game developer Epic Games chuan player inziaklut (register) maktaduai 350 an awm tling tawh tih an sawi.

April thla chung khan Fortnite khelh nan hian game kheltute chuan darkar tluklehdingawn 3.2 an hmang tling a, hei hi hripui leng vanga ina tawm an tam vanga ngaih a ni.

Hmanni lawk khan chuan Covid-19 vangin Fortnite World Cup vawi hnihna buatsaih tur pawh ṭhulh a nih thu Epic Games chuan a puang tawh a, hetihlai hian Party Royale erawh May 8 aṭang khan ṭan a ni tawh thung. 

Party Royale-ah hian  Dillon Francis, Steve Aoki, leh Deadmau5-te an inlan dawn tih puan a lo ni tawh bawk.

Kum 2017 khan Epic Games chuan Fortnite hi a tlangzarh a, a hlawhtling nghal hle. Nikum khan Fortnite World Cup hmasa ber buatsaihin solo event final-a champion kum 16 mi Kyle Giersdorf chuan $mtd 3 lai a dawng a ni.