One In Christ hla thar 'Chibai i buk ang'

One In Christ chuan Krismas hla, 'Chibai i buk ang' tih an nei thar.

Music video hi peihfel a ni tawh a, zaninah Zonet-ah tihchhuah a ni ang. 'Chibai i buk ang' tih hla hi an member Alvin Lalruatfela phuah a ni a, video hi Sawmtea Digitals kutchhuak a ni. One In Christ hian tun ṭum hi Krismas hla an tihchhuah ṭumkhatna a ni a, kum nga liamta vel khan sap hla chu an lo buaipui tawh a, mahse mumal taka tihchhuah a ni lo thung.

One In Christ hian kum ṭha tak an hmang tih kan sawi tawh a, Gospel bikah Ṭhazual Award pahnih an hui. Hei mai hi a ni lo a, member thar duhawm tak an neih belh. An album pahnihna tur an buaipui leh mek bawk.