Miss Northeast 2022 atan Meghalaya nula Irene Dkhar

Meghalaya nula Irene Dkhar chu ‘Miss Northeast 2022’ atan thlan a ni. Nagaland khawpui, Kohima-a State Cultural Hall-ah Ningani khan India ram hmarchhak state pariat aiawha contestant 15 inlan zingah Dkhar hi thlan a ni.

Lawmman pakhatna hian Rs nuai 1.5 bakah gift hamper ṭhahnem tak a dawng. Assam nula Eshanee Hatimuria chu first runner-up ah thlangin Rs nuai 1 a dawng a, Arunachal Pradesh nula Dyna Jomo chu second runner-up niin Rs 70,000 a hum haw bawk.

Meghalaya nula Dkhar hi Miss Perfect Ten-ah thlan a ni bawk a, Assam nula Hatimuria hnenah Miss Photogenic leh Miss Talent hlan a ni a, Arunachal nula Jomo chu Miss Multimedia-ah thlan a ni.

Nagaland hian beauty contest hi ṭum hnih lo thleng tawh mah se, Northeast Beauty Pageant Organisation hnuaiah tun ṭum hi Miss Northeast buatsaih ṭum khatna a ni. Kumin pageant hi Beauty and Aesthetic Society of Nagaland (BASN) leh Nagaland sorkar-in an thleng. Nakkumah Sikkim-in Miss Northeast Pageant hi a thleng ang.

Miss Northeast 2022 – Irene Dkhar, Meghalaya.
First runner-up – Eshanee Hatimuria, Assam.
Second runner-up – Dyna Jomo, Arunachal Pradesh.

Sub-title dawngtute :
Miss Photogenic – Eshanee Hatimuria, Assam.
Miss Perfect 10 – Irene Dkhar, Meghalaya.
Miss Talent – Eshanee Hatimuria, Assam.
Queen of Hearts – Lika Chophy, Nagaland.
Miss Beautiful Skin – Mannasha Devi Sapam, Manipur.
Miss Multimedia – Dyna Jomo, Arunachal Pradesh.
Miss Northeast Mizoram aiawhin H. Lalhriatpuii leh Sylvia Lalvenpuii-te an chhuak bawk a ni.