Gigi-in Leonardo hmuhah a fanu la hruai duh lo

Gigi Hadid chuan Zayn Malik nena an fanu kum hnih mi, Khai chu a date mek nia khawthlang media-ten an tarlan, 'Catch them young' kalpuitu kum 47 mi, Leonardo DiCaprio hmuhtir tur chuan hun tam zawk a la mamawh tur thu a sawi.

Gigi hian a eizawnna a ngaih pawimawh rualin, a fanu Khai chu a dah hmasa zawk tih a sawi. Gigi hian a fanu thlalak hi social media lamah a post khat hle a, Instagram-ah a tarlang anih pawhin a hmai a tilang ngai lem lo.

Kum 27 mi, model chhelo tak Gigi leh Leonardo-te hi September thla aṭang khan an inzui ṭan niin an sawi a, Paris Fashion Week-ah khan Hotel khatah an thleng dun. Kar liam ta khan Brooklyn Navy Yard-ah Halloween chu hlim taka an hmang lai hmuh an ni bawk. Gigi leh Leo bakah hian Gigi unaunu Bella, Victoria Secret Angel Irina Shayk leh Helly Nahmad-te pawhin an telpui.

An inkarah thawm a awm tak zeuh zeuh avangin inzui satliah an ni tawh lo niin mi tam tak chuan an ngai. Leo leh Camila Morrone-te chu hian hun rei tak chhung an inzui hnuah August thla khan inṭhen zai an rel. Hetihlaiin, Gigi leh Zayn-te hian kum ruk chhung an inzui hnuah, Zayn leh Gigi-i nu, Yolanda Hadid nen an inkarah inhmuhthiam lohna a awm avangin, kum 2021 October thla khan an inzawmna chu an chhuchat a ni.