Amber Heard-in a Twitter account titawp

Khawvel pa hausa ber Elon Musk-a'n USD tluklehdingawn 44 zeta Twitter a lei fel hnu leh, thuneitu ber nihna a chelh hnuah kalphung ṭhahnem tak a rawn thlak danglam a, Hollywood celebrity eng emaw zatin an Twitter account chu an delete tawh a, chung zingah chuan a bialnu hlui Amber Heard pawh a tel. Amber hi hmanni lawk khan, a pasal hlui Johnny Depp nena an thubuai neihnaah thiam loh changin USD mtd 10.35 chawi tura hrem a ni.

Musk leh Heard-te hi kum 2016 khan an inzui ṭan a, an inngaihzawnna erawh vantlang hriatah an tarlang khat hle. Kum khat vel an inzui hnuah an inṭhen zui leh a ni. Kum 2018 khan thawm an rawn nei leh a, rei a rial hmain an inṭhen thu an puang zui leh nghal.

Elon Musk-a'n Twitter a lei fel hnuah, verified account blue tick nei duhte chuan thlatin USD 8 an chawi a ngaih tawh tur thu sawiin, hei hi inbumna thil, spam/scam venna tura kalpui an nih thu a sawi. Mahse hemi hnu hian Hollywood celebrity ṭhahnem takin Twitter chu an khawihzawm loh thu an puang ve nghal a ni.