Rihanna 'Savage X Fenty Vol. 4'-ah Johnny Depp inlan dawn

Johnny Depp chu Rihanna fashion show “Savage X Fenty Vol. 4”-ah a inlan dawn tih nemngheh a ni a, he show-a celebrity mipa inlan tur tihchian hmasa ber a ni ang. He show hi minute 40-a sei a ni dawn a, Prime Video-ah November 9 hian tihchhuah tura ruahman a ni.

Savage X Fenty showcase-ah hian a hmain milar inlan an lo awm nual tawh a, chu'ng zingah chuan Cindy Crawford, “Black Panther: Wakanda Forever” actor Winston Duke, “Abbott Elementary” Emmy winner Sheryl Lee Ralph, “Shang-Chi” star Simu Liu, “Empire” star Taraji P. Henson bakah Irina Shayk-te pawh an lo inlan tawh a ni. Amber Heard nena an thubuai chinfel a nih hnuah, Depp hi mipui hmuhah a inlan tam lo hle. August thla khan, MTV Video Music Awards-ah Moon man angin a lo inlan tawh a. Musician Jeff Beck nen thawkdunin, hla 13 awmna joint album "18" an tichhuak bawk. Pirates of the Caribbean star hi 'Jeanne du Barry' tih french film-ah King Louis XV angin a inlan bawk ang.