IIIRD Sovereign leh Boomarang concert dawn Guest Band : Glimpse of Revolution

Tribal Tone Scavenger chuan live music ngainatute tan November 12, 2022 hian Vanapa Hall-ah Rock ruai ropui REVOLUTION IV min chhawpchhuahsak leh dawn e. REVOLUTION IV-ah hian III (3rd) SOVEREIGN, BOOMARANG-te bakah GLIMPSE of REVOLUTION te'n music ṭha eltiang min hlui leh dawn a ni.

Tute nge III SOVEREIGN chu?
Metal band ṭha ber zing a mi niin, kum 2003 aṭang khan mipui hmaah an rawn inpho chhuak ṭan a, vawiin thleng hian band hi active taka kal in 'full length album' pahnih leh EP pathum an tichhuak tawh a, heng an album leh EP te hi Europe lamah pawh zawrh chhuah a ni hial. EP thar tur an buaipui chho leh mek bawk.

An bassist Jonah hi kum 2017 khan RockaRolla Music Awards best bassist-ah an thlang a, Drummer Dr.Reuben hi drums company lian, Mapex endorse a ni ṭhin a, chutiang bawkin an guitarist Benja pawh hi guitar company ESP Endorse a ni bawk.

BOOMARANG ve thung hi....
An single hit em em 'Steller' ringawt pawh hi he concert kal chhan tham a ni. Eng vangin maw? E le...India rama Rock band hla VH1 a top 5 lang thei hmasa ber hla anih vang mawle. An album 'HOME' pawh hi Universal Music Group, India in a tihchhuah sak ngat niin a hlawhting hle.

Mizote tan Music lama thangchhuah, Boomarang te hian inelna hrang hrang hmachhawn in hlawhtlinna tam tak leh chawimawina an dawng hnem tawh hle a, chung zingah chuan IIT Guwahati winner(2007), NIT Silchar winner(2007), Independence Rock(2010) te bakah khawvel huap a band hlawhtling ber ber; Korn(USA), Lamb of God(USA), Eric Martin(Mr.Big USA), Tribal Tech(USA) Scott Kinsey Band(USA), Aurora Jane(Aus) Indus Creed(India) etc te nen stage khatah an lo che tla ho tawh tih thu erawh tarlan loh atan chuan thil uiawm tak a ni. Band member te hian mimal chawimawina tam tak an dawn nual tawh bakah state leh ram hrang hrang festival-ah an lo fehchhuak fo tawh. An single 'AIZAWL' tih chu Revolution IV hma hian tihchhuah an tum a, he concert-ah pawh hian kan ngaihthlak ho ngei a rinawm.

Mizo ten Djent band kan neih hmasak ber leh he concert guest band tur, Glimpse of Revolution pawh hi an theuneu lo. Scavenger Rock Idol ah khan a che ṭha ber pawl an ni a, chu mai a ni lo, 2019 khan NIT Thundermarch-ah pakhatna hial ni thei an ni.

Mizo te hi kan theuneu lo a ni tih hnam dang hnenah rimawi hmanga lan tir ṭhin tute support tur leh, la hmelhriat lo te pawh in rawn hmelhriat a, an hlawhtlin chhan an rimawi tum thiamna hriatpuitu lo ni ngei ang che. Ticket hi Rs 300 man chauh a niin, online-in Tribaltonescavenger instagram page lamah lei theih tura chhawp chhuah ani dawn a, hei bakah hian a hmunah lei theihin a awm dawn bawk a ni.