Zofa Lelte Top 10 result puang

Zoram Thar Zofate Lairelna Inpui buatsaih Zofa Lelte, Zo hnahthlak zawng zawng te huapzo Inzaisiakna chu a hmawr an bawk ṭan dawn ta.

Zaithiam 30 thlanchhuahte chuan Vaivakawn Auditorium-ah, November 2-3, chhung khan inelna an hmachhawn. Kar liam ta Zirtawpni zan khan inelna hmachhawn chhunzawm zel tur mi 10 thlanchhuahte puanzar an ni a, chung zaithiam thlanchhuahte chu:

Top 10-a inhlangkai te:

1. H. Lalmalsawma, Farm Veng, Lunglei, Mizoram

2. Sonia Lamngaichin, Dumlian, Churachandpur, Manipur

3. Elizabeth Vanneihkimi Darlong, New Lamkhuang, Tripura

4. Rochanhlua, Sangau, Mizoram

5. Lalhmingmawii, Luangmual, Aizawl, Mizoram

6. J. Lalditsak Hmar, Mouldam, Assam

7. Zenngaihsang, New Lamka, Manipur

8. Simon Lalpekkima Pachuau, Dârngawn Veng, Khawzawl, Mizoram

9. Angeli Lalruatpuii, Chhingchhip, Mizoram

10. Mari S. Beilyki, Meisavaih, Siaha, Mizoram

Heng mi 10 thlanchhuahte hian Final chu December 9-10-ah an hmachhawn leh dawn a ni. Result puan, lawmman sem leh Zofa Lelte 2022 kharna hun chu December 11-ah Vaivakawn Auditorium-ah neih a ni ang.