'The Voice'-ah Jennifer Hudson che fuh lo

Jennifer Hudson chu 'The Voice'-ah a inlan a, mahse a che fuh vak lo a niang, tun season bak chu judge-ah a ṭan an ring tawh lo!

Jennifer hi show tihmuhnawmtu ni loin, en tituiawm lotu zawk niin an sawi. Platform chu ama hamṭhatna zawn nan a hmang niin an sawi a, a ṭhutpuite hmaizah pawh a dawn teh chiam lo a ni mahna. Blake Shelton leh Jennifer te chu show neih lai leh, show zawh hnu thlengin an inbei zui a ni. Hudson hi a judge puite nen pawh an inmil chuang lo niin an sawi. Hudson hian ama puala a din, JHud Production fakna lam a sawi zing viau bawk niin an sawi a, remchangah a sawiri chhen te pawh a ni mahna.

Hetih lai hian 'The Voice' season 14-ah chuan Alicia Keys a inlan thei tawh dawn niin an tarlang a, Shelton, Levine leh Kelly Clarkson-te an awm ve bawk avangin, show en chakawm tak chu a ni hrim hrim.