Science & Environment ; NASA-in Lunar Eclipse thlen laia thla a sen chhan sawifiah

Kumin chhunga thla awk lem, total Lunar Eclipse hnuhnung ber chu vawiin hian a thleng dawn a. Lunar eclipse hi Ni(Sun), Lei(Earth) leh thla(Moon) chu line ngil taka awmin, kan chenna lei hi thla zawnah a awm a ni. American space agency NASA tarlan danin, total lunar eclipse hi kum thum hnu, March 14, 2025-ah chauh a thleng leh dawn a, mahse a khat tawkin partial lunar eclipse chu a thleng reng dawn tho a ni.

Total eclipse-a thlen lai hian thla pumpui chu khawvel hlim(shadow) thim lai ber 'umbra' zawnah a awm ang. Thla khi umbra bawr a thlen hunah rawng sen lam hawiin a inthlak leh ṭhin a ni. Hei vang hian Lunar eclipse-te hi "Blood Moons" tihte pawhin an sawi ṭhin.

NASA chuan, "Van boruak ti pawltu(blue) leh ni tla tur rawng sen anga lantir ṭhintu hian lunar eclipse a thlen laiin thla hi rawng sen angin a lantir a, chu chu Rayleigh scattering kan ti. Eng hi waves angin a kal a, rawng hrang hrangte chuan ze hran ṭheuh an nei. Red light aia blue ligth wavelength a tawi zawk avangin boruakah a darh chak bik a, chuvangin rawng sen angin a rawn lang chhuak ta a ni," a ti.

Lunar Eclipse a thlen lai hian, thlaa ni eng chuan kan chenna leilunga atmosphere-te chauh hi an paltlang a. Kan chenna leilunga mei khu emaw chhum emaw a tam poh leh, thla chu a lang sen zual sauh dawn niin NASA chuan an tarlang.