Annual Rock & Roll Hall of Fame-a lakluhte an hraw!

Annual Rock & Roll Hall of Fame Induction Ceremony, Rock Hall tiha sawi ṭhinah Inrinni liam ta zan khan Inductee-te chu lakluh an ni ta. Kumina Performer Inductee-te hi an hraw hle a, music genre hrang hrang hip-hop, country music, R&B, new wave leh soft rock artist aṭangin Dolly Parton, Eminem, Lionel Richie, Duran Duran, Pat Benatar leh Neil Giraldo-te nupa, Eurythmics, Judas Priest leh Carly Simon-te chu lakluh an ni.

Inrinni khan Los Angeles, California-a Microsoft Theater-ah annual ceremony hi hman a ni a, Rock Hall nomination hnukkir tura ngentu Dolly Parton pawhin hemi zan hian rock hla thar, "Rockin" chu tlangzarhin, "Tunah chuan rock star ka ni ta," tiin mipui a chawk phur thiam hle.

Dolly chuan,"Rock & Roll Hall of Fame dawng tura min thlanchhuah khan dawng turin tling zo ka in ti tawk lo a. A chhan chu rock music ami te chauh dawn tur emaw ka tih vang a ni," a ti. "Mahse, ka rilrute siamfelin, Rock & Roll Hall of Fame-ah ka awm dawn a nih chuan rock album ka siam ngei a ngai tiin rilru ka siam fel a ni," tiin Pink-i'n an lakluh thu a puan hmain kalkhawmte hmaah a sawi.

Kumin Rock & Roll Hall of Fame Induction Ceremony hi HBO leh HBO Max-ah November 19 hian pekchhuah a ni ang.