‘Saturday Night Live’ host turin Dave Chappelle lo kir dawn

Comedian, Dave Chappelle chu “Saturday Night Live” host turin a lo kir dawn tih a chiang ta. SNL chuan mahni anpui kawp chingte a sawi dan avanga comedian sawisel hlawh tak hi November 12-ah a inlan dawn tih a sawi. Rap duo, Black Star chu music guest angin an rawn inlan bawk ang.

Chappelle chuan kum 2021 khan Netflix special, "The Closer"-a a inlan ṭumin homophobic leh transphobic chungchang mawi lo zawnga a sawi avangin sawiselna pawh a tawh phah nasa hle a, Netflix co-CEO pawhin mipui hmaah ngaihdam a dil nghal rap rap a ni.

Nikum October thlaa video-a tihchhuahah, Chappelle chuan transphobic leh homophobic-te laka a ṭawngkam avanga ngaihdam dilna chhan tur a hriat loh thu sawiin, "Ka ngaihdan tlang takin ka sawi mai a ni," tiin inchhirna a neih loh thu a sawi.