The Rental-in sum a lalut tam ber
Hripui leng vangin theatre tam ber khar a nih avangin Box Office-a sum chevel a tlem a, film tlangzarh tum ṭhenkhat phei chuan theatre-a tichhuak loin digital lam an pan hial. Chutiang boruak karah chuan Now You See Me star Dave Franco horror film direct The Rental chu pakhatna a ni. Hun eng emaw chen Box Office chart tihchhuah a nih tawh loh hnuah tuhnai lawk aṭang khan chart hi siam leh a ni a, tun kar tawpa film sum lalut tam tarlannaah pawh Top 7 chin chiah Box Office Mojo lam chuan an tarlang a ni.
The Rental pawh hi theatre 250-ah chiah an chhuah a, heti chung hian sum $403,852 a lalut a ni. Boruak pangngaiah chuan kar tawpah hian theatre 4k-5k velah film thar hi an chhuah ṭhin a, sum lengval pawh a maktaduai bi a nih ṭhin laiin tunah erawh sum lengvak a tlem a, The Rental pawh hi pakhatna ni mah se a sum lakluh hi a tlem hle. Chart hmasaa pakhatna Relic chu pahnihna a ni a, hei phei hi chu theatre 85-ah chiah tihchhuah niin $63,717 chiah a lalut. Pathumna The Wretched chuan theatre 24 aṭangin $20,480 a lalut ve bawk a ni.
Palina Followed chu theatre 28-ah an chhuah a, Top 7-a film lang dang pathum phei chu theatre chhuahna an nei mang lo hial. Becky chu theatre 12-ah chiah an chhuah a, Guest Artist chu theatre pakhatah chhuahin The Painted Bord chu theatre pangaah an chhuah bawk. Heng film ṭhenkhat hi chuan $1k pawh an laut tling lo.
Box Office Top 7:-
1 The Rental $403,852
2 Relic $63,717
3 The Wretched $20,480
4 Followed $5,222
5 Becky $4,210
6 Guest Artist $587
7 The Painted Bird $535