Box office : Kar thum chhung a zawna roreltu - Black Adam

DC leh Warner Bros kutchhuak, The Rock channa 'Black Adam' chu box office-ah a zawnin kar thum chhung sum lalut tam ber a ni thei. 'Black Adam' hian theatre 3,985 aṭangin USD mtd 18.5 a lalut a, United States bikah USD mtd 137.4 lalut tawhin, khawvel pumah USD mtd 300 chuang a lalut der tawh a ni.

Khawvel ram dangah pawh 'Black Adam' hi a langsar ber a, market 76 aṭangin USD mtd 25.4 a lalut leh a, tihian khawvel huapa a sum lakluh belhkhawm chu USD mtd 319.7 a tling tawh. Black Adam hi kum 2022 chhunga box office-ah kar thum chhunga zawna roreltu ni thei film pathumna a ni.

Karleh lama tihchhuah tur, Marvel leh Disney kutchhuak, 'Black Panther: Wakanda Forever' tlangzarh hunah erawh box office hi a insawi danglam dawrh tura beisei a ni thung. US bikah 'Wakanda Forever' hian USD mtd 175 aia tam lalut turin an beisei.

Box Office-a sum lalut tam pahnihna, Japanese anime movie 'One Piece Film: Red' chuan Black Adam hi a la khan lo hle.

'Red' chuan theatre 2,410 aṭangin USD mtd 10 vel a lalut. CinemaScore-ah 'A' hmuin, entu zinga 76% chu mipa an ni. Chung zinga entu 75% te chu kum 18-34 inkar an ni.

Universal romantic comedy film, 'Ticket to Paradise' chuan theatre 3,046 aṭangin USD mtd 8.5 lalutin pathumnaah a awm a, Paramount horror pic 'Smile' chu palinaah awmin, Lionsgate kutchhuak vek, horror film 'Prey for the Devil' chuan top 5 a khar.

Kartawpa Box office aṭanga sum lalut tam te:
1. Black Adam - USD mtd 18.5
2. One Piece Film: Red - USD mtd 9.5
3. Ticket to Paradise - USD mtd 8.5
4. Smile - USD mtd 4
5. Prey for the Devil - USD mtd 3.9