Harry Potter-a tarmit hmingthang tak lilam dawn

Harry Potter fans-te tan thu lawmawm- Daniel Radcliffe-a'n Harry Potter film-a a tarmit bun ṭhin ngei mai chu United Kingdom-ah an lilam dawn. Mahse lo phur hluai suh; British pound 20,000 vel aṭanga zawrhchhuah ṭan tura ruahman niin, hei hi India pawisa chuan Rs. 18,72,557 man vel zet a ni dawn.

Tarmit frame bial hi November 11 hian lilam a ni ang. He tarmit hi kum 2001-a an tlangzarh 'Harry Potter and the Sorcerer's Stone,' an chan laia Harry bun tura tarmit an chah 57 zinga pakhata mi niin New York post chuan a tarlang.

Harry Potter-a tarmit hi National Health Service hmingchawiin "NHS style" tiha vuah a ni. Khawvel huapa tarmit lar ber zinga mi hi a hunlai khan British pound 114 vela zawrhchhuah a ni.

Kumin hi 'Harry Potter' book series tihchhuah aṭanga kum 25-na a ni. JK Rowling ziah, Harry potter series hmasa ber chu 'Harry Potter and the Philosopher's Stone' niin kum 1997 khan tlangzarh a ni a, tun thlenga khawvel series zinga mi te ngaihnat leh fanbase nei ṭha ber zinga mi a ni.