People’s Icon Award dawng turin Ryan Reynolds thlang

Ryan Reynolds chu kumin People’s Choice Awards semnaah People’s Icon award dawng tura thlan a ni. Canadian actor hian kum 1991 aṭang khan lemchan khawvel hi luhchilh ṭanin, comedy series 'Two Guys, A Girl and a Pizza Place' aṭangin mi hriat a hlawh chho ṭan.

Deadpool franchise aṭangin Golden Globe leh Grammy nomination ṭhahnem tak a hmu tawh a, People’s Choice award vawi thum a lo dawng tawh bawk.

Film hrang hrangah inlan tawhin, 'The Adam Project' chuan Netflix-a enhlawh lamah palina a hauh mek bawk.

People’s Icon award hi Halle Berry, Jennifer Lopez, Jennifer Aniston leh Melissa McCarthy-ten an lo dawng tawh a ni.

Kumin People's Choice Awards hi Barker Hangar, Santa Monica-ah December 6 hian sem a ni ang.