Guns N' Roses-in Europe lam an hawi

Rock band lar Guns N' Roses chuan awm mai mai an tum hauh lo, Europe lamah tour nei turin an inbuatsaih mek.

Not in This Lifetime tour an neih aṭangin thla 20 zet a liam tawh a, tunah chuan tour nei leh turin an inpeih leh tawh. Mahse tun thut thutah ni loin, nakkum lamah daih a ni. Europe hmun hrang hrang tlawh turin summer tour programme an duang a, an tlawh tur zingah hian Sweden, Spain, Germany, France, Denmark, U.K, Bel­gium, Italy leh Russia pawh a tel a, Estonia leh Norway pawh an thleng dawn.

GN’R hian tour hi June leh July thla chhungin neih an tum a, band anga an tour an neih hnuhnung ber tur a nih tawh hmel.