Ka naute ka kalsan dawn a nih chuan, thil special tak a ni tur a ni - Rihanna

Rihanna chuan 2023 Super Bowl Halftime Show headline tura an sawm khan mak a tih thu leh a ṭhawn thu sawiin, an naute chhuahsan theihna hun remchang a nih thu fiamthu ti takin a sawi zui.

"Min sawmna ka lo pawm ta mai kha mak ka la ti. Ka tichiang tawh a, tunah chuan thutlukna tawp ka siam tawh," tiin Grammy-winning singer chuan ama pual show, Savage x Fenty-ah a sawi.

Rihanna chuan hun rei tak rimawi a chawlhsan hnu leh, album a tihchhuah aṭanga kum ruk hnua heng ang intihhlimna huna a perform-na tur chu a ngaihhlut show a nih thu sawiin, "Ka naute ka kalsan dawn a nih chuan thil special tak a ni ang," tiin a lo sawi tawh a ni.

Rihanna chuan Super Bowl chu khawvela stage lian ber leh entertainer-te suangtuah pui ber a ni tiin,stage liana rawn kir chu a phur tawh thu a sawi.

Nakkum NFL Super Bowl Halftime Show hi DPS bakah Roc Nation leh Jesse Collins-te ṭangkawpin an produce dawn a, a vawi khatna atan Apple Music chu sponsors an ni.

Kum 2019 khan Vogue-in an kawmnaah, Rihanna chuan US-a police tharum thawhna leh chi inthliarna thleng ṭhin dodal a, National Anthem an sak laia ṭhingṭhia lungawi lohna lantirtu Colin Kaepernick-a thlawp zia lantirnan Super Bowl-ah hian a lo perform duh tawh lo tih a sawi.