Ṭhazual Award Lengzem zaninah sem a ni dawn

Ṭhazual Award zan khatna, Gospel Category chu nizanah tluang taka sem a nih hnuah, zanin hian Lengzem Category chu sem chhunzawm a ni dawn a, mit leh beng a tlai leh dawn.

Tunlai Lengzem artists ṭha rualten an duh ang thalin stage-ah an rawn tal leh dawn a, hei ngawt pawh hi hmaih phal chi a ni lo. 'Red Carpet' hi zan dar 7 aṭangin Zonet Youtube channel-ah pekchhuah a ni ang. Zanin hian Guru Gee, K.Hminga, Siampuii Ralte, Vanlalhmangaiha, SaiWanah & Henz, IVYZ, Michelle Varte bakah Mizo Idol 2022 Hmangaihi, pathumna David Darlong leh Top 5 Deborah Ralte-te an inlan ang.