Rimawi Award 2022-a category-te puan a ni

MZI buatsaih Rimawi Award 2022 chu November 24 zan hian A.R. Ground-ah sem a ni dawn.

Hun hmasa lamah MZI hian MZI Award tih hmingin zaimite tan Award hi a lo sem fo tawh a, kum 2021 aṭang khan mumal taka sem chhuah ni se tiin Rimawi Award tiin an kalpui. Kuminah a ṭum hnihna atan an semchhuak leh dawn a ni.

Rimawi Award dawng tur hi MZI Gen. Headquater hnuaia Library Register te aṭangin thlan ṭhin a ni. Tun ṭuma award dawng turte hi nikum October aṭanga kumin October chhunga MZI Library Register Official Music Video aṭangin thlan an ni ang.

Award sem zan hi Music Festival nena hman kawp tur a ni a, 24.11.2022 zan dar 6 aṭanga 7 chhung chu Concert hun hman a ni dawn a, dar 7:30 atangin Award Ceremony hun hman chhunzawm a ni ang.

Rimawi Award hi LPS Vision leh Zonet aṭangin Live a pek chhuah a ni dawn a, hemi bakah MZI Official Youtube channel atangin live a ni dawn bawk. Category tina lawmman latute hian trophy bakah pawisa fai cheng 10,000 an hum haw dawn a ni.

Category 20 aṭangin award hi semchhuah a ni ang
Artist of the Year Male - Gospel leh Lengzem
Artist of the Year Female - Gospel leh Lengzem
Best New Artist of the Year - Gospel leh Lengzem
Song of the Year - Gospel leh Lengzem
Best Duo/Group - Gospel leh Lengzem
Best Music Video - Gospel leh Lengzem
Rap Performance of the year - Gospel leh Lengzem
Best Song Writer of the year
Non native performance of the year
Lenglawng/Folk Artist of the year
Artist of the decade
Band of the year
Best Foreign Artist of the year