Madison Square Garden CEO a bang

New York-a Arena lar tak Madison Square Garden (MSG)-a an Chief Executive Officer (CEO), David O'Connor chuan company a chhuahsan a, executive chairman James Dolan chu a aiawh turin ruat nghal a ni.

David O'Connor hi Madison Square Garden Company-ah president leh CEO niin kum hnih chhung hun a hmang a, a ban chhan hi tarlan a ni lo thung. O'Connor hi Hollywood lama milar leh thiltithei tak a ni a, sports leh entertainment lamah pawh a mikhual lo hle. "Doc' tia hming lem an pek hian company a chhuahsan avang leh inremna a bawhchhiat avangin $mtd 47.6 vel zet a chawi dawn nia tarlan a ni. Hetih lai hian company lakah hian zangnadawmna $mtd 54 zet pek a phutlet nia sawi a awm bawk.

O’Connor hi nikum khan America-a company CEO zingah hlawh hnem ber atan puan a lo ni tawh a, a sum lakluh a ṭhahnem hle ang tih a rinawm.