Zo Ri-mawi International-in charity concert buatsaih

Zo Ri-mawi International chuan nimin khan Aizawl khaw­pui chhung hmun hnihah, naupang chanhaite pualin mobile charity concert an buatsaih.

Charity concert hi Vaiva­kawn leh Bazarpuia High-mast bul­ah huaihawt a ni a, tun ṭum hi ṭum nga an buatsaihna a ni tawh. Zo Ri-mawi International hi charity group niin, World Cancer Day leh Childrens Day pualin khawlai leh TV lamahte programme an buatsaih ṭhin a ni.

Nimina concert an buatsaih hi Children in Need pual bik a ni. Zo Ri-mawi International hi India rama Children in Need kalpui awmchhun an ni bawk.