8th Annual Ṭhazual Award Gospel 2022

8th Annual Ṭhazual Award Gospel 2022 chu Ningani zan khan Dawrpui Multipurpose Centre-ah sem a ni. Ṭhazual Award Gospel zan hi Zonuni Pachuau chuan a host a, Zoramchhani Band chuan musical show ropui tak nen an khung hawng. Ṭhazual Award hi lawmman sem zan a ni satliah loa, zaithiamte inphochhuahna hun leh platform lian ber zinga mi a ni tel. Zaithiam rual kalkhawm zingah award ngaihhlut, Best Male Artist Gospel chu Jerry Lalrinawma'n dawngin, Best Female Gospel Artist chu Cindy Lalthanpuii'n a dawng thung . Best Songwriter Gospel leh Song of the year Gospel 'Engtia Awm Thei Nge?' tih hla phuahtu C. Lalzarmawia chuan category pahnihah award hi dawngin, hemi zana award pahnih dawng thei awmchhun a ni.

Best Male Artist Gospel
Jerry Lalrinawma
"Ka tan chuan Pathian hi a ni vek. Ka chhungte, hla phuah thiam leh hla thluk siam tu hnenah, zaithiam ka nihna angin lawmthu ka sawi."

Best Female Artist Gospel
Cindy Lalthanpuii
"Ka lawmin ka va phu lo em, Pathian ropui ber se la, ka hla min ngainat sak tute chungah lawmthu ka sawi e."

Best Songwriter
Gospel - C. Lalzarmawia
"Hla min pe tu hi Pathian a ni a, hla mawlte te te an ni. Chungtiang ang hlate chu award ka dawnpui ang tih ka ring pha ngai lo. Thil engkim avangin Pathian chu fakin awm rawh se."

Best Music Video Gospel -
'Lalnunnem' Seraphic Choir & RDS Shots
"Zozai theihtawpa tihlar tuma beitu leh, kan pi pu zai hmanga fak hla kan sakchhuah theih hun nghakhleltu Pu Lalduhawm Chhakchhuak hnenah he award hi kan hlan."

Song of the Year Gospel
Maruati 'Engtia awm thei Nge?' Phuahtu C Lalzarmawia
"He hla mawi taka min phawrhchhuahsaktu Maruati chuangah ka lawm tak zet a, Lalpa'n a ni min pe hi vannei ka inti hle a ni,"

Best Mizo Traditional Artist
Lalthansangi
"Mizo ni tura ka piang hi ka lawm a, ka zai leh zelna turah pawh Pathian fak chung zelin Mizo tan ka zai zel ang," tiin a hla 'Ram ropui tak lo thleng tur' tih chu hemi zan hian a sa nghal a ni.

Best new artist
Vanlzawmpuii Hrahsel
"Hetiang dinhmun min hruaithlengtu Pathian a ni tih ka hria a, a hnenah lawmthu ka sawi e"

Best Group/Duo Gospel
One In Christ
"He award hi ṭum li kan dawnna a ni ta a, kan dawn hnuhnun apiang hi a hlu zel a, kan ngaihlu tak meuh a ni,"