Kum khat chhung No.1 ni thei Taylor Swift

Taylor Swift chuan mellung pawimawh tak siam belhin, Billboard Artist 100 chart-ah kum khat chhung(ni 365) tehmeuh No.1 ni thei artist hmasa ber a ni.

Swift hian kar 52 (a zawn ni lo in) chart chung ber a hauh tawh a, tunhnaia a album tihchhuah 'Midnights' chuan rinlawk ang ngeiin a rawn vawrh hle. Billboard 200 chart-ah kar hnih chhung a zawnin pakhatna a hauh bakah, equivalent album units 3,42,000 zet a hralhchhuak leh. Album hralhchhuah tam lamah Adele-in December 19, 2015-a '25' (unit mtd 1.16) chauh a phak lo a ni.

Midnights-a hla 20 (standard version-a hla 13 leh “3am Edition”-a hla pasarih)-te chuan Billboard Hot 100 chart-ah kar hnih chhung a zawnin an lang leh vek a, “Anti-Hero” chu karhnih chhung chart chung berah a awm tawh a,top 10-ah hian “Lavender Haze” (No. 6), “Midnight Rain” (No. 7) leh “Bejeweled” (No. 9)-te an lang bawk.

Grammy vawi 11 lai dawng tawhtu Swift hian khawvel pumah streaming, physical, leh vinyl album sales record thar a siam hnuah, November 1 khan US hmun hrang hrangah 'The Eras Tour' neiin a zin kual dawn tih a lo puang tawh bawk a ni.