Mipa sexy berah Blake Shelton thlang

People Magazine (PM) chuan "Sexiest Man Alive" atan Blake Shelton a thlang.

American singer hi kumin chhunga mipa bika sexy berah puan a ni a, sexy ruk riaunate pawh a lo nei a ni mahna. Country star Shelton chuan, "PM hian min hua a ni, keimahah enge an hmuh bik ka hre lo a, mahse ka lawm hle a ni" tiin fiamthu a thawh. The Voice coach chuan sawi zawmin, "Keimahah hian duhawmna reng a awm lo a, hmelṭha bik lo tak ka ni. Mahse miin sexy-ah min ngai a nih chuan ka sexy chu a ni mai ang chu" a ti.

Shelton hi a bialnu Gwen Stefani chuan a lawmpui hle niin an sawi a, kum 2013-a "Sexiest Man Alive' atan an lo thlan tawh Adam Levine pawhin Shelton hi a lawmpui thu a sawi bawk. Blake Shelton hian kumin chhungin Top Country Albums Chart-ah pakhatna ṭum ruk zet a hauh tawh a, 'Texoma Shore' album a larpui hle a ni.