Taylor Swift-i'n North America lam a hawi

Taylor Swift chu North America lamah tour nei turin a inbuatsaih mek a, nakkum March thla khian tour hi a nei ang.

Swift hian tun hnai khan a album thar 'Reputation' chu a tlangzarh a, hemi tihlar nan hian tour hi neih leh a tum a ni. A album tihlar nan hian a hma pawhin tour a lo nei tawh a, a hlawhtling thawkhat hle. Tun hi a album thar puala a tour tawpna ber tur a ni tawh dawn a ni.

Tour a neih tur thu hi Twitter lamah a tarlang a, March 8 khian University of Phoenix Stadium-ah a concert ṭan ang a, Chicago, Seattle, Toronto, Kansas City leh hmun dangah te a nei zui bawk ang.

Swift-i album thar 'Reputa­tion' hi tlangzarh a nih aṭanga ni li chhung lekin US-ah ringawt copy maktaduai 1.05 hralh a ni a, kar khat chhungin copy maktaduai hnih vel hralh chhuah theih beisei a ni. Country singer hian a fan pakhat, Victoria Ursini chu Pathianni khan New York khawpuiah a hmu a, Ursini hi a lawm hle a niang, awm ngaihna pawh a hre lo hial niin an sawi. Ursini chuan, "Angel ang mai a ni" tiin Switf chu a dah sang hle.